Секоја компанија вложува време и пари за да ја одржи својата репутација. За да ги заштитите Вашите простории можете да инсталирате безбедносен систем и аларми за пожар. Дали ѝ посветувате исто внимание на сајбер-безбедноста? Најзначајниот основен елемент за успешна работа е довербата. Вработените треба да му веруваат на својот работодавач дека ќе ги заштити нивните лични информации. Клиентите треба да им веруваат на компаниите со кои соработуваат дека ги чуваат нивните лични и финансиски информации подалеку од неовластени корисници.
Нарушувањето на сајбер-безбедноста ќе ја намали довербата на Вашите вработени и клиенти. Сајбер-безбедноста е повеќе од заштита на Вашата мрежа. Таа исто така претставува и заштита на Вашиот бизнис. Заштитата на Вашата компанија од сајбер-закани е значаен дел при заштитата на Вашите важни информации. Сигурно никогаш не ја оставате Вашата канцеларија отклучена кога не сте таму. На ист начин треба да превземете мерки на претпазливост за Вашиот компјутерски систем. Заштитата на Вашиот бизнис бара да се едуцирате Вие и Вашите вработени, за да ги имплементирате најдобрите сајбер-безбедносни решенија.
Заштитете го Вашиот бизнис со следните три активности:
- Проценете ги Вашите ризици
- Набљудувајте ги заканите на Вашиот бизнис
- Направете и спроведете сајбер-безбедносен план